RoseMarie Birthday Cake

小王子o個班每年都兩個人一組，互相送生日蛋糕，大家輪流咁帶，所以小王子佢地個個禮拜都有生日蛋糕食gar。上個禮拜到小王子帶蛋糕o勒～之但係佢地o個班有個同學仔對Gluten敏感，所以所有人帶嘅蛋糕都係要Gluten free嘅。我聽到呢個消息當然係即時大叫......

飛利鋪做面機

上個禮拜情人節，你地有咩攪先？有無去睇LED花燈先？有無偷偷地攞左一朶半朶返屋企留念先？

其實無論係情人節又好，結婚周年紀念又好，我5一定有禮物收gar ，又5一定有得出街食飯gar wor！不過就一定5洗我煮飯嘅～ 
點樣可以留o係屋企食飯又5洗我煮？
得～～～～
打邊爐同食韓燒米得law！
5洗煮gar，齋洗之ma！！！

總之無論咩節咩日都好，Face Book硬係一早就洗哂版咁比人post哂d 咩禮咩物呀咁嘅～咁我5係年年都有得post gar ma。但係今年有喎～
今年情人節一起身，小王子就送左張情人卡 比我，
嘩～～～～～冧到我呢～～～～～～
小王子爸爸重買左部做麵機 返嚟tim bor ！真係滿足到呢～～～～～～

於是我今年有野post上Face Book o勒～
點知今年大家玩節儉 ，個個都post o係屋企整乜整物食，攪到我好似即時變左個大花筒咁。我真係忍5住大叫－－－－－＞
                      姊妹們你地係米玩野呀？



就係咁～呢部飛利鋪做麵機就搬左嚟我屋企度長住o勒！
可能你地會問.......
點解小王子爸爸咁醒，會識買呢部機返嚟呢？ 會5會係因為佢跟得無比聰明嘅小王子媽媽－－即本人多，所以對家電都有番咁上下認識呢？
非也～非也～
查實係我一早就o急實呢部機兼做哂reseach呀咁，所以呢部機係遲早都會買gar o勒，只不過咁o岩撞正情人節啫。所以呢單野同小王子爸爸有幾愛我係完全無關gar law！hahahaha.......

好！正題～
o拿～呢部機我用左幾次o勒。佢宣傳係話15分鐘做出麵來嘅，我知道大陸都有架出左話自己10分鐘做麵嘅。
o拿就咁～又5係趕住去邊，o個5分鐘慳嚟把鬼咩？所以精明嘅主婦們，5 該應慳得慳，米鬼慳埋d婆仔數law！

雖然佢話自己要15分鐘做麵，其實大多時候5洗10分鐘經已全部攪掂落得鑊tim！咁點解佢又會話要15分鐘呢？米就係人地老實law！！！最耐嘅話可能要15分鐘，所以人地米話要15分鐘law。

外國公司會話你聽最差嘅情況會點。
國產公司會同你講最好嘅情況下可以點。
最閉"最好"嘅情況實在係太太太少law！
國產公司keep住咁報喜不報憂，所以我地先會覺得國產野5好。

呢個亦係我5信同5揀國貨嘅原因。

部機做麵真係超快，快到由整到落水煲o個刻真係同o係雪櫃攞包麵出嚟煮差5多。
點解我咁講？

用市售麵
因為平時烚麵一定要用超大煲水，水多煲起嚟自然耐。好o勒～到水滾落麵，因為市售嘅關係d麵一係就係乾麵，一係就係雪藏麵，於是要令d麵煮熟閒閒地要10分鐘。

用機做麵又點呢？
用做麵機做麵主要都係用麵粉同水，就咁放哂入部機度，然後開機。大多時真係10分鐘倒就完全攪掂哂可以煮，又因為係新鮮麵嘅關係，5洗用咁大煲水煮又煮嘅時間大約5分鐘倒就可以過冷河。
最後淨係要洗機啫，之但係大部份麵都5洗落油搓gar ma，油都無滴你話有幾難洗先得gar？


咁用機做麵有咩好呢？
其實每個禮拜去買餸，小王子爸爸都一定會放兩三包麵落車度，跟住返到屋企呢兩三包麵就會佔據左我雪櫃半格嘅位置。問題係我雪櫃真係"常滿"gar ma，點afford呢個位長期放麵至得gar？我都未講我廚櫃裡面o個十幾廿包白麵、意粉、soba、通粉、陽春麵........等等等等...........
所以而家要食先做真係同我慳返好多好多位law！

OK！我地而家研究下用機做出嚟嘅麵好5好食得過街買o個d下～
部機其實有送食譜嘅，我試過跟住做真係OK gar ，D意大利粉真係彈牙gar！不過可能有D食譜嘅材料或者會對住o係HK嘅Blog友會有DD困難去搵o勒。

不過講到尾始終都係日式嘅麵比較接近我地中國人嘅口味，所以我後來用返日式麵嘅食譜嚟做麵。口感and 手感超好，真係好過好多市售嘅麵gar。
o拿～我話好過好多啫，無話好過哂全部街賣嘅麵呀下，所以如果你真係搵到一隻麵好過用機整出嚟嘅話－－－－－－－5好鬧我！

溫馨提示： 
5同牌子嘅麵粉吸水力會有5同，所以水嘅用量大多要比食譜上寫嘅多小小。（大約1-3湯匙）

打好嘅麵粉糰5係會有小小鬆散嘅，如果你見到o係機入面舊粉糰結成一糰（好似麵包粉糰咁），那表示你已加太多的水了。


                      

    

                            

                                         日式烏冬

                                            意大利粉
                                         

wow wow 狗杯套

前日小王子終於16 歲生日，我望呢日望到頸都長埋。
點解？
因為16歲就可以去考筆試攞學神牌兼可以開始學車 ，而我就邁向脫離"司機"生捱一大大大步o勒～所以我一早就同小王子Book定生日o個日去考筆試，我同小王子講－－＞

"呢d咁易嘅野如果你一次考5到，我會懷擬你精神有問題law！"
小王子聽到我咁講一味o係度笑～

我識好多人d仔女夠16歲想去考試攞學神牌，但係d爸爸媽媽就死都5肯比佢地去考，更係話.......
太危險
太細個
5夠成熟.........etc. 
總之N咁多個理由5得law！！！！

我身邊d人個個以為我係直升機父母(喂我錫個仔5代表我就係直升機媽媽嚟gar wor！），一定會好似其他好緊張d仔女嘅家長咁......
考車牌？
NO ! NO ! NO !

真係N咁多個人用睇死我嘅眼光咁問我－－－＞
          "你實5會比個仔去學車la～"

Short Short地嘅～我點解5比小王子去學車至得gar？
咁問我嘅人實在太5了解我但又扮好似好明我咁
Well～ Please收皮law！
查實我幾年前經已Plan定小王子一夠16歲就即刻去考學神牌。o係呢度無車牌間直係同殘癈無分別，後生遙遙重要係男仔，5識揸車？5係呀哇？？？？？

所以5該o個d 5了解我又扮好明我嘅人5好再用呢 d"問題"嚟考我，因為我5同你地gar 。有d一定又必需要嘅野，我係一定要小王子做嘅 ～ 我睇5出18歲會成熟過16歲幾多law，到18歲至考？佢就真係一出籠就5會采你law！
反而我而家比小王子學，佢可以慢慢跟我同小王子爸爸揸到熟先去考車tim～
我覺得咁安全得多law！

呢度考車可以5洗跟師父學gar，一路跟爸爸媽媽揸到熟去考都得。但係我5想連自己d壞習慣都教埋比小王子，所以一早同佢約左正式師父學，學熟左至跟我揸。
不過琴日我比小王子上我車試下開車嘅感覺..........

嘩～～～～～小王子"蛇瓜"到呢～～～～～
終於我揸架車到個放哂工又無人嘅停車場比佢揸.......................
......................erm.........................
.....well~.......................

o個一刻......................
我有種生命危險feel！

雖然小王子架車只係揸十幾咪，快過人行小小。但係佢泎到呢～～～～～
親愛嘅Blog友請放心，小王子5係o係HK度揸，所以對你地應該5會有威脅嘅。不過我就危險d o勒～

手編娃娃之o都咀雞

上次講到我近日沉迷於鉤公仔，攪到成屋都係手編娃娃，鉤好嘅公仔多到一張梳化都放5 哂。終於小王子爸爸話－－＞
                      "太多na～" 
重叫我攞d公仔出去賣！！！

o拿～呢個就係第一個人地同我訂 嘅手編娃娃o勒。
希望佢會去到另一個好愛佢地嘅主人懷裡。
其他手編娃娃我會放o係ebay度賣，有興趣嘅Blog友可以PM下我。


5知你地有無睇過好多年前o個套日劇－－"交晌情人夢"？
重記5記得裡面個男主角點解5去外國深造？
5記得？因為佢怕搭飛機ar ma 。
點解我會講起呢套戲呢？因為現實真係會咁.........

重記5記得今年四月o個陣，小王子跟"聚寶盤"去左土以其表演o個個超級豪華團？由Sydney飛去威尼斯要轉一次機，加埋要坐成 30幾個鐘頭 飛機gar。小王子話佢地途中遇到風暴，架飛機飛飛下突然間跌左一下好勁嘅～成架飛好似跌左一個好大嘅高度咁。
                  嚇到小王子呢～～～
佢以為會返5到嚟見媽媽！！！！
之後o個幾十個鐘頭行程，小王子驚到眼再無合上過。

自此
小王子怕左搭飛機！
以前小王子會話第時想去英國讀書......
而家佢諗起去英國要搭飛機........
無提o勒～

過左呢個聖誕節，小王子就升中五 o勒～
開始要諗大學要讀咩科，有日小王子同我講.......

小王子－－"媽媽，第時如果我做左醫生，我想去做無國界醫生呀！"

我望都無望小王子就話－－" 你5得gar！"

小王子－－"點解呀？"

我仍然無望過佢，然後話－－"你聽我講la～你5得gar！"

小王子5死心繼續問我－－"點解我5得呀？"

我－－"總之你信我la～你5得gar 呢～"

小王子－－"點解呀？"

終於我好凝重咁望住小王子，然後話－－" 唉～做呢d會死人gar 仔！"

小王子－－"做咩都會死gar la媽媽！"

我－－"問題係你怕呢～"

小王子－－"邊個話我怕 gar？"

我－－" 咁你怕搭飛機5係就係因為怕死咩？"

小王子望住我話－－"係喎～"

動物蘋果套

N咁耐無寫過Blog，5知點解無哂寫Blog嘅動力。
有join我 Face Book Fans Club 嘅 Blog友都應該知知我呢排攪緊乜，雖然我無寫Blog啫～

     但係我對摩打手係病態咁5停得gar ma

點會無野攪至我gar？呢段時間我迷上左鉤公仔。我都有post過相o係Face Book Fans Club度gar，無Post上Blog 啫。

我鉤d公仔多度屋企其中一張梳化經已坐滿哂公仔o勒～小王子爸爸話－－
          "屋企放5哂na，不如你攞出去賣la！" 
小王子就話－－
            "媽媽！我地屋企就快比d公仔"妗"住na。"
hahahaha......... 
所以我都諗緊究竟係米真係要攞出去賣呢？

講返個蘋果套先下～
點解要同d蘋果著衫呢？
咁第一個原因就更係－－＞ 查實我經已鉤到無野好鉤o勒！
第二個原因係－－＞ 次次攞d蘋果返學食，到晏就已經撞到瘀哂，見到都5開謂la，所以要同佢地著返件衫law！
係米正先？

好o勒，咁耐無寫Blog要寫下小王子嘅近況先下～
o岩o岩考完Final Exam ，琴日"聚寶盤"帶哂班細路去Wild Camp－－6日5夜。
終於～
終於～～
                  屋企回歸平靜！

平靜到............
可以即刻寫Blog！
hahahaha............

前日為左小王子去Camp，我地成家去左Shopping Town度同小王子買條運動褲。而小王子就用左呢個Look同行－－＞

o係屋企我見小王子用呢身行頭行出房o個陣，我即時問小王子爸爸－－＞
"爸爸我地要5要入去換過套衫呢？5係我地咁嘅款行o係佢後面，d人好可能真係以為我地係佢個maid嚟gar 喎！"