又到左教你地整o野食嘅時間o勒!
yeah
～～～～
請鼓掌！
話說呢樣o野係我N年前睇電視學返嚟嘅，佢係用咩肉嚟整，我已經5記得o勒～總之就係d好濃味嘅o野la。而我呢～就次次都係用辣肉腸整嘅。如果怕辣可以用5辣 or 少辣嘅"辣肉腸"。或者用一d濃味嘅意大利腸都得﹣﹣>
總之就係要濃味ga la！
其他5可以轉嘅材料就係芫西、芝士同蔥o勒～
吓？蔥？
5洗驚～因為就算你係5鍾意食蔥或者芫西嘅話，你都會鍾意食呢樣o野嘅。
點解我咁講？
因為好多年前，有班朋友嚟我屋企，o個日我就係整左呢樣o野食o勒！其中有兩姊弟，個細佬原來係從來都5食芫西同蔥嘅，不過我5知，重攞左幾塊過佢食。佢當堂面都青埋，重同個家姐細細聲咁講﹣﹣>
"奶o野na今次！"
細佬無食，成碟比左家姐，家姐食左一啖，大叫﹣﹣> "好好味呀！"
重叫個細佬一定要試下，細佬試左之後，就不停咁食左好多塊。走嘅時候重要攞d返屋企食tim！
所以，就算你係5鍾意食蔥or者芫西，都試下整la！可能從此你會對呢兩樣o野改觀！
份量係卓量嘅～要用好多蔥，芫西同芝士。辣肉腸反而5洗咁多喎，係用嚟令成塊餅有咸香味ga啫！
先將蔥同芫西洗淨、切碎。辣肉腸切粒。
墨西哥薄餅買返嚟要剪開個袋，將裡面包乾澡濟攞出嚟，然後將成包墨西哥薄餅，連袋放入微波爐，高火叮40秒。（因為o岩o岩買返嚟嘅墨西哥薄餅，好容易痴埋一齊，好難將佢一塊塊分開ga。用微波爐加熱過，就會好易將佢地分開一塊塊o勒!）
老實講～我次次都係卓量ga啫！but今次我就大約用左﹣﹣500g Tasty Cheese（Cheddar Cheese都得！）、蔥250g（切頭切尾，可能5夠250g嘅～）、辣肉腸就用左200g（係薄切，咁如果想落多d都得！"薄切至200g咋，厚切要多好多ga！"）、芫西兩大扎（我呢度賣d大扎過HK好多嘅～erm....芫西嘅份量大慨同蔥一樣la～）呢個份量，我大慨整到11塊。
大約放咁多餡落去塊墨西哥薄餅度就ok o勒
記得放餡落去塊墨西哥薄餅度o個時，記得要留番條粗邊5好放餡呀！（5係煎o個陣d餡就會流哂出嚟ga na！）
將另一塊麥西哥薄餅放o係上面，然後用手壓實佢！
白鑊！記得要用白鑊！！咩油都5好落，就咁放份"墨西哥薄餅三文治"落鑊度。
煎o個時要用手壓下個餅！（因為我要搾相機，所以影5到用手壓落去o個一下。）
煎到兩面金黃同脆身，就可以切開，趁熱食o勒～
凍左係會淋d嘅～你可以將凍左嘅墨西哥夾餅再放返落個白鑊度，興番熱又會脆ga na！
如果食5哂呢～可以放o係雪櫃度，到想食o個陣又用個白鑊興番熱佢！
o拿！係米真係好易整先？
沒有留言:
發佈留言