2013年5月5日星期日

我向你求婚介指曲奇


終於~我同小王子去左LegoLand!
不過~
我去到好鬼失望!
本來我諗住LegoLand應該好似迪迪尼咁﹣﹣>
美輪美奐gar ma,
點知............




完全同我所想像嘅5同既~

我同小王子o係倫敦度全左個幾鐘頭巴士去到溫莎區嘅Legoland度,當架巴士轉入Legoland度,我見到o個d封左3尺塵嘅Lego公仔都心知不妙gar na,
心裡面即時浮左四個字﹣﹣>
                                   "虎豹別墅!"

5係哇?今次奶野tim~
o係我對腳踏出巴士o個一刻......眼前所見到嘅.......係一個封左塵嘅Theme Park。
心諗今次真係奶野奶到落腳版底!若果5係小王子o係我隔離,我一定會當場大叫﹣﹣>
"回水!"

小王子無出聲,不過亦5多覺佢有笑到。我猛問小王子係米5興奮,小王子話5係~不過家下大個仔所以5表現出嚟喎。(我心諗:你講呀?5表現出嚟?你都覺得奶哂野就真la~)

入到場,Legoland裡面都有好多機動遊戲gar,之不過........

我﹣﹣"咿?呢個會濕身gar喎,o拿~你玩,我影相!"(你精我都精呀)

小王子﹣﹣"今日咁凍,如果整濕左個身會好凍gar,所以我5玩。"
O~K~有Point!

行行下又見到個“咖啡杯機"~不過佢上面有人蜘蛛裝飾,d蜘蛛腳會上下上下咁郁嘅。
我﹣﹣"呢個好似咖啡杯咁,你玩5玩呀?"

小王子﹣﹣"好呀!"

我﹣﹣"咿?上面有隻大蜘蛛喎,

小王子﹣﹣"er........咁我5玩na!"

我﹣﹣"吓?因為o個隻蜘蛛所以你5玩呀?"

小王子﹣﹣"erm......騎騎騎~係呀!我驚呀~"
+_+"



小王子就係話驚呢隻蜘蛛o勒~



又行行下~
我﹣﹣"呢個你玩5玩呀?"

小王子﹣﹣"呢個太快我5玩!"

我﹣﹣"呢個呢?"

小王子﹣﹣"呢個太Baby我5玩!"

"呢個會濕身我5玩!"
"呢個太恐怖我5玩!"
"呢個太高我5玩!"
.............
...........
........

最後我話﹣﹣"咿?呢個太快你又5玩,o個個太高你又5玩,濕身5玩,恐怖5玩,baby5玩,理論上你淨係可以入嚟食個晏gar咋喎~"

小王子﹣﹣"騎騎騎~媽媽我玩呢個。"
我望一望.......
原來係掏金。呢~比個盤你o係d水度朗下朗下d沙咁gar呢~

我﹣﹣"吓?你嚟Legoland度掏金?"

小王子﹣﹣"係呀~"
最攪笑係小王子掏得不亦樂乎


你地睇小王子掏得幾開心~

最後小王子只係o係Legoland度玩左掏金同揸船仔,認真攪笑!








2 則留言: