2014年5月23日星期五

糖皮皇冠

前幾個禮拜我做左個糖皮皇冠~
究竟呢個一比一嘅糖皮皇冠我會點用嚟裝飾蛋糕呢? 
遲d話比你地聽下~



o係呢度有d學校,為左提高d小朋友將來出到社會嘅競爭力,訓練d小朋友將身邊所有人都當成敵人,你嘅同學、好朋友都係你嘅敵人。平時吹下水當然無問題la~但係一講到o係邊度補習、邊個幚我補、我用開邊本參考書同本課外練習好......通通都係朋友同父母之間嘅禁忌問題,就算天皇都無情講..........



呢d小朋友將來出到嚟社會一定好爭得,但係久而久之佢地同其他人之間就缺少左一份愛。
我真係好感謝天父安排小王子入讀"聚寶盤",o係"聚寶盤"無種族歧視,絕大部份人都對其他人好友善。當然會有害群之馬la.......

今日要同你地分享一單o野,雖然單o野 關我事,但係聽到小王子講嘅時候,我個心真係"up"左成日.......

其實之前小王子同我講過好多次,話學校有個肥仔時時蝦蝦霸霸周圍蝦人,(o拿!o係"聚寶盤"度好少肥人gar,所以肥仔o係學校度真係異物。)不過小王子就話肥仔咁其實係因為自悲,因為自己肥驚人地笑佢,所以就自己蝦左人先,等其他人5敢埋自己身。(查實肥仔做緊嘅o野直頭同技安做嘅係一樣嘅~) 
小王子話雖然無人同肥仔玩,但係其實個個都知佢因為自悲至會咁,所以大家淨係5理佢。
o拿~單o野係咁嘅..........

有日我接小王子放學,小王子一上車就嘆氣......
小王子--"唉~"
我--"做咩事呀?"
小王子--"媽媽你知5知今日幾大件事呀?"
我--"吓?咩事呀?"

小王子--"古惑仔黑左入肥仔個account度,扮係女仔同肥仔講o野,呃肥仔影左d 5著衫嘅相呀?"

我即時大嗌--"吓?5係哇?"
小王子--"係呀~"
我--"你點知呀?"
小王子--"古惑仔今日帶左d相返嚟show人呀~"

我--"吓?咁大鑊!?!?"
我--"咁你有無睇呀?"

小王子--"我更係5會睇la~我都5想睇呀!"
我--"咁你點知呀?"

小王子--"今朝我o係Locker度見到古惑仔同佢d friend圍埋一齊,佢show個電話比佢地睇,然後係咁笑。我都知無好o野gar na~"

我--"咁後來你點知?"
小王子--"後來我d friend同我講gar,佢地有d人有睇過。"

我--"嘩!你地咁醒,一見到呢d相應該知道大鑊,笑5出聲la?"
小王子--"更係la~睇完5出聲即刻行開la!"
我--"老師知5知道呀?"

小王子--"老師應該知道gar na,因為今日幾個老師都叫古惑仔出去仰呀!"
我--"老師點知呢?"

小王子--"d人見到d相都知大件事la~應該即刻有人同老師講gar na 。"

我--" d相淨係影到無著衫gar啫下哇?"

小王子--"影到哂 J gar!"

我個心真係沉一沉--"吓!!!慘na~慘na~咁肥仔點呀?"
小王子--"肥仔今日無返學呀~d人話佢去左Consoling呀!"

我個心真係好"up"--"哎吔~如果我係肥仔阿媽就慘na,都5知送5送佢返學好?日日送佢返學好似送佢去送死咁呀!"
我--"你記得肥仔返到嚟要對佢nice d,但係又5好成日望住佢呀~有d人頂5到真係會自殺gar!唉~"

小王子--"我更係知la~"

過左兩日......
我問小王子--"肥仔今日有係返學呀?"
小王子--"今日佢返左嚟na~"
我--"咁佢點呀?"
小王子--"佢好似平日咁law! "
我--"你地記得對佢好d,5好笑佢呀!"
小王子--"更係la~肥仔未返嚟o個時,個個都話要對佢nice d 呀!"

呢個就係我最最最欣賞"聚寶盤"嘅o野,能夠教到d小朋友對其他人有禮諒。識得去明白事件背後嘅原因,而5係淨係靠對眼去望"面o個浸"

呢間就係天父為小王子選擇比小王子成長同學習嘅學校,感謝祢!









10 則留言:

  1. 如果我係肥仔阿媽, 都要搵專家輔導下, 好多時D小朋友成長期間都會做傻事, 但往往傷到人都唔佑, 只顧自己當下過癮, 縱使佢第日長大後知錯, 都可能毀咗受害人一生架.

    回覆刪除
    回覆
    1. 小王子同我講o個陣,我真係驚肥仔會自殺gar!

      刪除
  2. 宜家d小朋友用網路去欺凌人真係好離譜

    回覆刪除
    回覆
    1. 係呀~好在小王子5玩互聯網gar啫~

      刪除
  3. 讚吓個皇冠先, 真係靚到呢~
    講番肥仔單嘢, 好在發生喺聚寶盤咋, 若係嗰D無人情味學校, 肥仔個人生真係唔知點!
    台灣前日先發生咗單捷運斬人案, 個細路大二架啦, 話佢由細到大都想試吓喺捷運殺人, 唉...若佢學校或家長早D去輔導佢就唔會發生咁GE事!
    同子元一齊睇呢單新聞, 佢都好有分析力講得出殺人係唔可以, 有事應該同爸爸媽媽講, 我都有D安慰!

    回覆刪除
    回覆
    1. 係呀~其實o個個細路開始玩o個d殺人game,父母就應該stop佢la~攪成咁佢父母要付責任。

      刪除
  4. 小王子入到間好學校真係好呀,我都就黎要煩入學,雖然只係幼稚園,想佢過得開心,又怕佢第時怨我

    回覆刪除
    回覆
    1. 學校真係要搵間好gar,識d同學仔乖5乖好緊要~

      刪除
  5. 你個仔咁識照顧别人感受,要讚下!

    回覆刪除