2014年6月25日星期三

牡丹 mini Wedding cake





上個禮拜應承你地要講件攪笑到甩轆嘅o野過你地聽,o拿~今日講na,上實個轆至好睇na.......


而家d細路真係好神奇,無錯係神奇!
因為佢地經已超出左奇怪呢個名詞,所以5能夠齋用奇怪呢兩個字嚟形容佢地.............

話說小王子有個同學仔叫"無時停" 。
"無時停"ADHD--則係"注意力不足過動症"
"無時停"要長期食藥控制個病gar。

其實前兩年小王子已經同我講話佢有個同學有ADHD,小王子話其實"無時停"好叻好聰明串字重頂瓜瓜tim ,但係就係因為有呢個病,上親堂都佢都5可以坐咁耐又覺得好悶,所以時時都控制5到自己郁嚟郁去兼駁老師咀,所以個個老師都5鍾意"無時停"

小王子話有日"無時停"同佢講自己私自靜靜雞咁停左藥,連阿媽都5知道。於是小王子就同"無時停"講佢私自停藥好危險,叫佢千奇5好咁。小王子重同"無時停"講左一堆"停藥危險性"(查實我都5知小王子點知咁多"危險性"?)  ,嚇到"無時停"話要即刻食返藥咁話。

不過就係因為呢個病,"無時停"時時都攪出好多笑話.........
有日上科學堂"奀痴痴""無時停","無時停"領轉頭一鎚窩落"奀痴痴"度,然後陰陰咀咁同小王子講--->

       "騎騎騎~我今日未食藥呀!"

前幾日小王子放學返嚟同我講.......
小王子--" 媽媽~"無時停"今日有個Friday Detention呀!"
(o拿~就咁嘅,少曳就罰留閒日堂,大曳就要留星期5 or 星期6堂gar na。咁"無時停要留星期5堂,則係意味住"無時停"今次曳單大o野。)

我--"吓?係呀?點解呀?"

小王子--"因為佢上課時間剪指甲呀。"

我真係以為自己聽錯--"吓?咩話?"

小王子--"哈哈.....係呀~"無時停今日上上下商科堂o個時,突然間除左對鞋同對襪o係度剪腳甲呀。"

我大笑--"吓?5係哇?點解佢要咁呀?"

小王子--"5知呀~"

我--"你點知佢比人罰留堂呀?你都無讀商科?"

小王子--"係阿"無時停"自己同我講gar。"

我--"咁你有無問佢點解要咁呀?"

小王子--"有呀~佢話---->
              此終都要剪gar la,咁點解5而家剪呀?"

我--"哈哈哈哈哈........呢個應該係你地學校開校以嚟,第一個因為上堂剪腳甲而比人罰留堂嘅人na!"

小王子--"哈哈哈哈........."









11 則留言:

  1. 佢應該答我今日無食藥吖嘛

    回覆刪除
    回覆
    1. hahahahaha........係law~可能無食藥,所以諗5起!

      刪除
  2. 好欣賞你的兒子耐心查資料叫同學仔食藥!

    回覆刪除
  3. 妳呀仔唔止有好的成績還有好的品行, 妳真幸福。同埋睇到無時停的情節真係笑左。

    回覆刪除
  4. 應該無食藥.... XDDDDDDDDDDD

    回覆刪除
  5. 睇完呢篇, 笑到轆地~~~~
    小王子真係好善良!!!!

    回覆刪除
  6. 想像吓無時停剪緊腳甲個樣...應該好好笑!

    回覆刪除