2014年8月27日星期三

火山糖皮蛋糕



o岩o岩o個個星期日係我生日,為左小王子出年個音樂豪華團,我決定留o係屋企度打邊爐興祝,兼叫小王子爸爸 好送禮物比我。所以呢個音樂豪華團咬出嚟真係有血有汗gar!!!

不過...........



小王子爸爸最後都送左件粉紅色晨褸比我,我見 係d好貴野所以都好開心 。雖然平日個個星期日我地都係o係屋企度打邊爐,但係因為我生日,小王子爸爸專登買d海鮮返嚟。雖然好似好普通,但係我超滿足!快樂其實 一定要用好多錢去買,就算o係屋企過一樣可以好幸福。

正題o勒~
埋嚟睇~埋嚟揀na喂!!!
我好少整細路仔蛋糕gar,有得睇米執輸na喂!

無錯!對於 d 好似我咁懶嘅人嚟講,整細路仔蛋糕呢度一粒o個度又一舊咁,真係齋聽到都覺 腳仔軟。所以我一嬲整嘅蛋糕都係行"清雅風"嘅,查實係"懶人風"先至真!hahahaha......

好似今日呢種"細路Cake" 真係完全 係我杯茶,之不過不幸嘅事往往都o係你湊手不及 嘅時間發生..........

上星期5晚..........
小王子臨瞓o個時同我講........

小王子--"媽媽我5記得同你講d野呀~"

年中小王子有幾千樣無謂野5記得同我講,所以我求其應佢.......
我--"咩呀?"

小王子--"就係拉丁文堂老師話要興祝記念 Vesuvius 爆發..............(省下一萬字)"

我--"o我~咩嚟gar?"

博學多材 嘅小王子爸爸搭咀--"火山嚟gar,好多年前爆發蓋哂成個city gar。"

又係無謂野,火山爆發關我叉事咩?我望都無望小王子就話......

我--"o我~"

小王子--"老師話要整個蛋糕興祝呀。"

我--"o我~"

小王子--"老師話叫同學d媽媽Volunteer整喎。"

我順口問--"係呀?咁邊個同學仔個媽媽整丫?"

小王子--"老師話佢Volunteer媽媽你整呀!"

我即時望住小王子,用超震驚嘅語氣一輪咀咁話.........

"吓!!!!!點解呀?咩 Volunteer 5係自願gar咩?咩可以Vokunteer人地gar?

"我 5明點解火山爆發要興祝喎~"


"火山爆發死好多人gar,記咩念呀?開個追度會就差5多~"


"咁點呀?整好多條屍 o係個蛋糕上面,然後血流成河咁呀?"



我平日真係超低調gar wor,學校嘅野我一律 參加gar?佢老師點知我識整蛋糕gar呢? 

我--"你同老師講媽媽識整cake咩?"

小王子--"無呀媽媽~"

我--"咁佢點知gar?"

小王子--"5知呀!不過我同老師講左如果我媽媽整個cake,咁年尾我拉丁文個份叫佢比我滿分。"

我--"咁呢個肯定要la ~你個份係兩個人嘅分嚟gar!!!"

呢單野好明顯係焗我上轎,攪到我大好生日要o係屋企度整蛋糕。

放學o個陣小王子超超超開心,因為個個都話佢個蛋糕好靚,小王子超自豪 咁同我講......

小王子--"今日我用左成堂時間同佢地講我媽媽有幾叻呀,我重show媽媽個Blog比佢地睇tim  bor ~"

我--"其實媽媽一d都5叻gar。

小王子--"5係呀,媽媽好叻gar!"

聽到個仔咁崇拜自己,整個蛋糕真係乜都抵哂!
















24 則留言:

  1. 是那份心意,SWEET!
    個仔咁講,滿足啦..........HAHA

    回覆刪除
  2. 小王子媽...你真係好叻....不過最叻係小王子爸...一早咁識貨....^^

    回覆刪除
  3. 小王子媽媽,真係好靚,你真係好叻

    回覆刪除
  4. 個仔proud of you ,你又proud of him,係好事黎架。

    回覆刪除
  5. 好靚呀,自己小朋友崇拜自己係好開心的事,更何況小王子唔係三歲細佬仔,真係好難得!你的親子關係一定做得很多呢!

    你倆的對話好好笑:p
    "咁點呀?整好多條屍 o係個蛋糕上面,然後血流成河咁呀?"
    多口問句,其實點解要整個蛋糕慶祝啲咁慘既事呢?!

    回覆刪除
    回覆
    1. 我同小王子係好friend gar,不過點解要興祝我就真係5知na!

      刪除
  6. 以後學校所有蛋糕volunteer都係你喇!

    回覆刪除
  7. 其實你有有有私心地回想下.....
    人人都知你咁叻整cake.....第時學校有咩初一十五
    頭暈身興 完完全全都係第一個搵你wakakkaka

    回覆刪除
  8. 真係無O野難到你O架喎!!!!!

    回覆刪除
    回覆
    1. 有gar~好似印銀紙咁,我研究左一世都未成功呀!

      刪除
  9. 小王子又成焦點! 火山 cake 好靚呀!

    回覆刪除
  10. 個仔咁愛媽媽咪好囉, 叫你跳埋落個火山你都願啦!
    子元都好"尊重"我呢個阿媽架....佢同daddy講: "媽咪先係一家之主, 你要聽佢話呀知唔知?!"

    回覆刪除
  11. 你真係好叻好叻啦...整蛋糕勁叻..寫blog都寫得咁鬼精采又好笑
    個蛋糕靚成咁...我知道小王子一定好自豪呢...我都想我個囡可以為我自豪呀

    回覆刪除